Dos aña caba den e proceso: Aruba ta lider den control biometrico na frontera - 24ora.com (2024)

Recientemente a publica cu nos isla ruman, Corsou, lo ta e prome den Caribe pa implementa un “Seamless Border Control System.” Andrew Hoo, director di Inmigracion Aruba a celebra e interes di Corsou den e credencial di biahe digital (DTC), alinea cu e evolucion di e industria di biahe, pero a subraya e necesidad di un enfoke sistematico, sigur y comproba. Aruba a cuminsa cu su propio caminda na aña 2022, den colaboracion cu IATA y ICAO. A desaroya e aplicacion Aruba Happy One Pass (AHOP).

Dia 5 di november 2023 a lansa un programa piloto cu ta demostra e creacion fluido di un aplicacion den bo celular pa profesa credencial digital verificabel, almacena exclusivamente den e celular di e biahero y comparti cu Gobierno di Aruba solamente cu e consentimento di e usuario, sin almacena den database di un tercera. Ora yega Aruba, e sistema di Migracion ta uza control biometrico pa completa e proceso di control na frontera sin interupcion. “Esaki tabata un primicia mundial y nos tin e video,” asina Andrew Hoo a destaca.

Te cu e fecha di awe, mas di 500 biahero a pidi pa participa den e proyecto piloto, na cual e ta sigui avansa. Ta spera pa implementa e sistema aki completamente pa entrada y salida for di nos isla na october 2024. E biahe di Aruba pa Digital Travel Credential tabata pionero y gratificante. “Nos ta sigui dedica na avansa den e tecnologia aki pa sigura un experiencia di biahe incomparabel pa nos bish*tantenan.,” Hoo a expresa den un reaccion.

Dos aña caba den e proceso: Aruba ta lider den control biometrico na frontera - 24ora.com (2)

E plannan concreto awo riba mesa ta pa uni tur dato hunto, den un solo plataforma. Tanto e parti hudicial, di aviacion civil y e parti comercial. Asina e pasahero por yena su ED Card adelanta, prome cu e bin Aruba. Esey ta pa e parti di Migracion, unda cu ya el a upload su paspoort den e sistema y tur informacion necesario como rekisito pa por drenta Aruba. Pero tambe lo por maneha huurmento di auto, camber di hotel y asina por sigui menciona. Asina e pasahero yega, cu e scan su cara na entrada y a pasa su celular na e sistema, mesora autoridad y companianan priva ta haya notificacion cu e persona a yega. Ora di biaha for di Aruba, por inclui hasta e proceso di check-in, control di “boarding pass”, tur riba e mesun plataforma digital aki.

E plataforma, bou supervision di e compania SITA ta garantisa cu no ta keda warda informacion di e pasahero, cu niun hende cu no ta autoridad lo tin acceso na su datonan personal, etc. Pa por duna e garantia ey mester uza apliacionnan moderno, aproba pa agencianan internacional y verifica pa institutonan di auditoria. Specialmente pasobra na dado momento lo traha di cerca cu US Customs and Border Control di Merca. E ora e sistema di ESTA y ED Card lo traha hunto riba e mesun plataforma digital aki.

Mirando e avansenan cu e aplicacion Aruba Happy One Pass a haci caba, a pone cu den e ultimo dos añanan a invita tanto e compania mes pero tambe Andrew Hoo di Migracion Aruba pa varios charla y convencionnan internacional di International Civil Aviation Organization (ICAO) y sin lubida di Airports Council International (ACI). Tur ta impresiona con leu Aruba ta caba den e proceso pa procesa, verifica y comunica entre varios entidad gubernamental, hudicial, di siguridad nacional, autoridad di turismo, aeropuerto y partnernan comercial.

Den conclusion, aunke no por valida e afirmacion di Corsou pa ta e prome na mundo, “nos por afirma, cu tur confiansa, cu Aruba tabata e prome den Caribe pa test y demostra e confiabilidad den un “Digital Travel Credential” verificabel basa riba un app pa crusamento di frontera biometrico sin interupcion. Nos ta spera pa sigui lidera riba e tereno aki y pa yama pasaheronan bonbini y pa nan experencia lo miho cu Aruba tin pa ofrece,” ta loke Andrew Hoo a indica finalmente.

Dos aña caba den e proceso: Aruba ta lider den control biometrico na frontera - 24ora.com (3)

Tocante Aruba Happy One Pass

AHOP ta un aplicacion innovativo, diseña pa transforma e forma cu pasaheronan ta experencia nan biahe pa Aruba. Introduccion di e concepto di un Digital Travel Credential (DTC) a traves di AHOP, ta haci cu por crea un DTC, un version digital sigur y codifica (encrypted) di pasahero, cu ta mehora e proceso di biahe fo’i principio te fin. Na momento cu introduci e aplicacion aki den e lunanan nos dilanti, e lo bira e prome na mundo! Ta corda tur hende cu no mester presenta bo paspoort mlna frontera pero legalmente ta rekeri pa tin e cu bo si, pasobra si un oficial di Migracion pidi bo e, bo mester tin e pa por controla y verifica.

Tocante Andrew Hoo

Andrew Hoo tin un trayectoria largo den husticia. El a cuminsa den Cuerpo Policial Aruba na aña 2001 pues e tin un diploma MBO Politieopleiding niv. 4, Politie Academie te Appeldoorn, Bachelor Of Science Hotel Administration, Associate of Science Hotel Management y Executive Master of Tactical Policing Major in General Leadership. Andrew Hoo ta un persona profesional y dedica na su trabou. E ta casa y tin dos yui.

Despues di a bay forma parti di e famia di Marriott Hotel Aruba como Complex Director of Loss Prevention and Risk Management, el a bolbe su cas bek na unda el a sirbi su pais cu honor y pasion pero e biaha aki e ta cla pa fungi den e posicion di Korpchef di Cuerpo Policial Aruba di aña 2018 pa 2020. El a ocupa un rato cu maneho diario di Brandweer Aruba y desde 2021 ta na cabes di Migracion Aruba.

Dos aña caba den e proceso: Aruba ta lider den control biometrico na frontera - 24ora.com (4)

Tocante SITA

Imagina un mundo unda biahamento ta conecta nos tur, sin complicacion. Esaki ta e mundo cu Société Internationale de Télécommunications Aéronautiques (SITA) a bin ta dunando forma durante 75 aña. Tabata na aña 1949 cu un total di 11 aerolínea visionario a uni pa crea SITA y transforma e industria di biahe pa semper. Desde principio nan mision tabata cla: revoluciona e industria. Cuminsando na construi e res di dato mas grandi di mundo, incluso a hasta contribui na nacemento di internet.

Awendia SITA ta bou maneho di e industria mes, cu como 400 partner-miembro na nivel mundial. Nan oficina principal ta ma Geneve, Suisa y ta conta cu mas o menos 4500 empleado mundialmente, incluyendo 350 basa na Montreal, na Canada. Nan ta sirbi como 2500 cliente situa rond mundo, entre otro aerolineanan, aeropuertonan, compania di carga aereo y entidadnan gubernamental. Pa sirbi e aerolineanan, mester t’ey den e pais unda ta opera, pa cual SITA tin representacion den 200 pais y teritorio.

Siendo un partner importante di aeropuertonan, aerolineanan y gobiernonan, ta esencial pa SITA traha estrechamente cu entidadnan mundial manera ta International Civil Aviation Organization (ICAO), cu International Telecommunication Union (ITU), cu International Air Transport Association (IATA), sin lubida tur otro entidad internacional y departamentonan di gobiernonan nacional.

Tocante Migracion Aruba

Entrante dia 1 di september 2017 a funda Migracion Aruba oficialmente. E departamento aki ta atende tur asunto di migracion na aeropuerto y wafnan.

A introduci e ofishi di ambtenaar di Inmigracion dia 19 di maart 1969 bou di Cuerpo Policial di Antias, den e departamento “Sectie Vreemdelingen Politie”. Dia 1 di september 2002 a los e departamento for di Cuerpo di Polis y a incluie den e organisacion nobo DINA (Directie Immigratie en Naturalisatie Aruba). Cuater aña despues na 2006 a elimina DINA y a crea IASA (Instituto Alarma y Siguridad Aruba) unda a aloca Radar 911, Warda nos Costa y Servicio di Inmigracion.

Migracion Aruba ta consisti di mas o menos 60 empleado y tin Andrew Hoo na cabes. Desde aña 2024, temporalmente a pasa e maneho di Guarda nos Costa tambe bou di e maneho diario di Migracion Aruba.

Dos aña caba den e proceso: Aruba ta lider den control biometrico na frontera - 24ora.com (5)
Dos aña caba den e proceso: Aruba ta lider den control biometrico na frontera - 24ora.com (2024)
Top Articles
Latest Posts
Article information

Author: Horacio Brakus JD

Last Updated:

Views: 5727

Rating: 4 / 5 (51 voted)

Reviews: 90% of readers found this page helpful

Author information

Name: Horacio Brakus JD

Birthday: 1999-08-21

Address: Apt. 524 43384 Minnie Prairie, South Edda, MA 62804

Phone: +5931039998219

Job: Sales Strategist

Hobby: Sculling, Kitesurfing, Orienteering, Painting, Computer programming, Creative writing, Scuba diving

Introduction: My name is Horacio Brakus JD, I am a lively, splendid, jolly, vivacious, vast, cheerful, agreeable person who loves writing and wants to share my knowledge and understanding with you.